LATIN VLE Year 8 ~ Fabulae Antiquae 15. ATALANTA

Links For a useful on-line Latin dictionary Click here

Atalanta pulchra puella Graeca est. multi viri eam amant et in matrimonium ducere volunt, itaque multa pulchra dona ex oppido ad puellam ferunt. Atalanta autem viros non amat; itaque consilium capit. viros ad prandium invitat. ministri vinum in pocula fundunt et viri vinum bibunt. tum Atalanta, "o viri," inquit, "ego celeriter currere possum; si me in matrimonium ducere vultis, currite et me vincite si potestis!" post prandium servi magnum spatium signant et duo saxa ponunt. Atalanta et viri currunt, sed puella prima ad saxum venit. viri tristes ad oppidum redeunt. forte Milanion spectaculum spectat. Atalantam amat, itaque ad templum it et sacrificium facit et deam orat. dea de caelo descendit et rogat, "quid vis, o Milanion?" Milanion respondet, "o dea, Atalantam amo et in matrimonium ducere volo; da mihi auxilium!" dea respondet, "hic sunt tria aurea poma. dum curris, iace primum pomum, tum alterum, postremo tertium pomum!" "gratias ago," clamat Milanion, qui ad Atalantam redit et clamat, "o Atalanta, te in matrimonium ducere volo." Atalanta ridet et respondet, "ad saxum curre et me vince si potes!" tubae signum dant. Milanion et Atalanta currunt. mox Milanion post Atalantam est, itaque primum pomum iacit. Atalanta pomum tollit. Milanion alterum pomum iacit. Atalanta alterum pomum tollit. Milanion nunc prope Atalantam est. deinde tertium pomum iacit. Atalanta tertium pomum tollit. Milanion nunc ante Atalantam est! prior ad saxum venit! "victor sum," clamat, "te in matrimonium ducere possum." "ita," respondet Atalanta, "sed ego tria aurea poma habeo!"

Vocabulary not in Ecce Romani 1