LATIN VLE Year 8 ~ Fabulae Antiquae 13. BELLEROPHON

Links For a useful on-line Latin dictionary Click here

Porsenna rex est qui in Etruria habitat nec Romanos amat. exercitum igitur colligit et Etruscos Romam ducit. Romani intra muros manent et tandem cibum non habent. Porsenna autem ab oppido non abit. tandem Gaius Mucius, qui patriam servare vult, Porsennam occidere constituit. noctu igitur Romani portas aperiunt, et Mucius ex oppido exit et ad Etruscos venit. ibi in densa turba stat nec Etrusci eum agnoscunt. Porsenna magnum tabernaculum habet; itaque Mucius ad tabernaculum it et per rimam spectat. duo viri in tabernaculo sedent; alter recitat, alter scribit. Mucius subito gladium e vagina stringit et tabernaculum intrat et eum, qui scribit, occidit, et clamat, "ita te, o Porsenna, occido!" Porsenna autem gladium stringit et clamat, "ego Porsenna sum. Scriba mortuus est." forte prope eos in tabernaculo ara stat, ex ara flammae surgunt. Mucius ad aram it, et dextram in flammas porrigit et, "o dextra," inquit, "stulta es; scriba, non Porsenna, mortuus est." dextram e flammis non retinet; itaque flammae eam consumunt. Porsenna attonitus rogat, "quis es, o vir impavide, et unde venis? " respondet alter, "Gaius Mucius sum, Roma venio. occide me si vis. multos tamen amicos in oppido habeo qui te interficere volunt." Porsenna respondet, "Romam redi, te punire nolo." Romani Mucium laudant et eum Scaevolam adpellant. Porsenna autem Roma abit et ad Etruriam redit et, "tam validos," inquit, "viros vincere non possum."

Vocabulary not in Ecce Romani 1