LATIN VLE Year 8 ~ Fabulae Antiquae 13. BELLEROPHON

Links For a useful on-line Latin dictionary Click here

Bellerophon catches Pegasus, kills the Chimera but then becomes arrogant Bellerophon in Graecia. habitat. rex autem eum non amat et interficere constituit. eum ad regiam vocat. Bellerophon venit, et rex "validus vir," inquit, "es. ex oppido exi et Chimaeram, animal saevum, pete et occide!" Bellerophon maestus a regia abit et ad Polydum, virum callidum, it et consilium petit. Polydus "in templo," inquit, "dea Minerva est. ad templum i, cum nox erit, et prope statuam dormi." Bellerophon gratias agit, et cum nox est ad templum it, prope statuam dormit. mox Minerva venit et, "o Bellerophon," inquit, "aureum frenum tibi do. pete equum Pegasum qui alas habet et volare potest." mane Bellerophon oculos aperit et aureum frenum videt. e templo exit et Pegasum petit. diu frustra in silvis, clivis, agris errat nec equum invenire potest. tandem ad fontem it. in silvis se abdit et fontem spectat. tandem Pegasus de caelo volat, in agro stat, aquam bibit. deinde in agro errat et herbas edit. Subito Bellerophon e silvis currit, Pegasum capit, frenum aureum inserit, tergum ascendit, considit. Pegasus e terra surgit et rogat, "quid vis, o domine? Bellerophon respondet, " Chimaeram, animal saevum, occidere volo" Pegasus diu volat et tandem Bellerophon despicit et Chimaeram videt! Chimaera saeva est et flammas exspirat. Bellerophon sagittam acutam e pharetra sumit, eam mittit, Chimaeram traicit. Chimaera cadit et mortua humi iacet. Pegasus volat et dominum ad regiam reducit. Bellerophon cameram, ubi rex sedet, intrat, et, "o rex," inquit, "Chimaera mortua est. tuam filiam in matrimonium ducere volo." rex filiam dat. mox autem Bellerophon superbus est. Pegasum vocat. equus venit. Bellerophon " o Pegase," inquit, "ad summum Olympum vola, in Olympo habitare volo." Pegasus surgit, sed subito luppiter eos videt et iratus est. muscam de caelo mittit. musca in equo considit et eum mordet. Pegasus iratus se concutit et dominum de caelo ad terram deicit. Bellerophon autem non mortuus est, sed non videre potest, quod caecus est.

Vocabulary not in Ecce Romani 1