LATIN VLE Year 8 ~ Fabulae Antiquae 11. COMATAS

Links For a useful on-line Latin dictionary Click here

Comatas is a goatherd. After seeing the Muses, he sacrifices a baby goat to them. His master is angry and shuts him in a box Comatas servus est qui in Graecia habitat. cotidie in clivis et campis capras custodit. caprae nigrae et albae sunt et in herbosis agris currunt, et prasinas herbas edunt. noctu luna argentea et stellae aureae in caelo sereno fulgent. caprae in agris dormiunt. Comatas autem non dormit, sed in saxo alto sedet, et dum capras custodit, stellas et lunam spectat. subito novem sacras Musas conspicit. Musae pulchrae deae sunt. in agro currunt et saltant et cantant. Comatas tacet et eas spectat. tandem Musae ex agro ad Olympum redeunt. mane, cum sol surgit, Comatas parvum haedum capit et eum in templo in ara sacrificat et "o Musae," inquit, "hoc sacrificium accipite !" dominus autem in agrum venit et haedos numerat. servum vocat. o serve improbe, ubi est haedus meus?" Comatas territus, " in ara," inquit, " haedus tuus est." dominus in camera magnam arcam habet, itaque servum in arcam ponit et eam claudit. in arca nullus cibus et nulla aqua est. Comatas clamat et Musas orat. Musae eum audiunt et apes ad arcam mittunt. apes parvam rimam in muro inveniunt et, quod parvae sunt, arcam intrant et mel portant. Comatas mel edit. apes igitur cotidie veniunt, et dominus eas non videt. tandem dominus arcam aperit. vivum, non mortuum, servum in area videt! "cur non mortuus es? ""Musae apes cotidie mittunt et apes mel ferunt," servus respondet. "exi ex arca," clamat dominus si Musae te amant, te interficere nolo." Comatas ex arca exit, ad tabernam it, haedum emit, eum sacrificat.

Vocabulary not in Ecce Romani 1