LATIN VLE Year 8 ~ Fabulae Antiquae 9. LATONA

Links For a useful on-line Latin dictionary Click here

Latona is punished by Juno but helped by Neptune and Jupiter; also explains why frogs like water! Latona dea est, sed luno regina eam non amat; itaque de Olympo ad terram eam expellit. diu Latona maesta ubique errat. quamquam sitit, aquam invenire non potest. quamquam esurit, nemo cibum dare vult. subito, dum ambulat,parvum lacum haud procul a via videt. Latona laeta a via ad lacum currit. messores autem qui frumentum metunt eam conspiciunt et clamant,"abi! noli aquae adpropinquare." Latona autem non audit, sed ad lacum it. messores ex agro ad lacum currunt et aquam miscent et turbulentam faciunt. Latona igitur aquam bibere non potest. deos et deas orat et obsecrat. " o di, hos messores punite" Iuppiter eam audit et messores in magnas prasinas ranas mutat. (hanc ob causam ranae semper aquam amant.) deinde Latona ab agro ad oram maritimam it et Neptunum orat et obsecrat. Neptunus eam audit, et insulam parvam ex imo Oceano tollit. deinde delphinum ex Oceano ad Latonam mittit. Latona delphinum ascendit et delphinus eam ab ora ad parvam insulam portat. ibi Latona descendit et delphinus ab insula abit. insula autem non stat, sed modo huc modo illuc natat. Latona motum non amat; itaque Iuppiter de Olympo descendit et catenas validas facit et insulam vincit. Latona laeta ibi habitat, sed, quod sola est, Iuppiter filium et filiam ad eam mittit. filius Apollo est, filia Diana. Latona eos amat nec ab insula ad Olympum redire vult.