LATIN VLE Year 8 ~ Fabulae Antiquae 8. THE SIBYLLINE BOOKS

Links For a useful on-line Latin dictionary Click here

An old woman comes to Tarquinius Priscus, a king of early Rome, and offers to sell him some books. Tarquinius Priscus rex est et Romanos regit. magnam et pulchram regiam habet. vetula ad regiam it et portam pulsat. servus ad portam currit et eam aperit. "quid vis, o vetula?" servus rogat. "novem libros habeo. ad Tarquinium ire et libros monstrare volo." servus "intra," inquit, "et ad Tarquinium veni." servus vetulam ad cameram, ubi rex sedet, ducit. Tarquinius vetulam spectat et libros videt. "quid," inquit, "vis, o vetula, et cur novem libros portas? " vetula respondet, " libros vendere volo. visne libros emere? " "quot nummos vis?" "mille nummos volo." rex ridet et clamat, "o vetula, stulta es! abi!" vetula abit et tres libros in flammas iacit. deinde ad Tarquinium redit et sex libros monstrat. �visne," inquit, "sex libros emere? " " quot nummos vis?" "mille nummos volo." "abi," clamat Tarquinius. vetula abit et tres libros in flammas iacit. deinde ad regiam redit et tres libros monstrat. "visne tres libros emere et mille nummos dare?" rex surgit, ad libros it, eos spectat. diu tacet, tandem autem, "hic," inquit, "est pecunia. libros emere volo." vetula pecuniam accipit, libros dat, valedicit, abit.